Azıada-2026: qazaqstandyq semserlesýshiler el qorjynyna altyn medal saldy
NAGOıA. KAZINFORM — Semserlesýden Qazaqstan erler quramasy Japonııada ótip jatqan HH jazǵy Azııa oıyndarynyń chempıony atandy.
Qazaqstan quramasy komandalyq saıystyń aqtyq synynda Ońtústik Koreıa sportshylarymen kezdesti.
Ulttyq qurama sapynda Rýslan Qurbanov, Erlik Sertaı, Vadım Sharlaımov pen jekeleı syn boıynsha kúmis júldeger Kırıll Prohodov jarys jolyna shyqty.
Jeńimpaz qosymsha raýndta belgili boldy. Toǵyz raýnd Qazaqstan quramasy upaı sany boıynsha artta qalyp kele jatqanyna qaramastan, sportshylarymyz sheshýshi raýndta qarsylastarmen esepti teńestirip, aıqasty kelesi kezeńge ótkizdi.
Kırıll Prohodov sheshýshi sátte sátti shabýyl jasap, quramaǵa jeńis syılady. Esep, 43:42.
Aıta keterligi, sportshylarymyz jartylaı fınalda Gonkongty 45:34 esebimen jeńgen edi.
Eske salaıyq, Semserlesýden Qazaqstan erler komandasy jaqynda komandalyq sapy jarysynda álem chempıony atanǵan bolatyn.
Sonymen qatar, Azııa oıyndarynda Qazaqstan erler quramasy sablıa baǵdarlamasy boıynsha qola júlde jeńip aldy.
