Azıada-2026: qazaqstandyq bessaıysshylar aldyn ala kezeńde synǵa tústi
ASTANA. KAZINFORM — Aıchı-Nagoıadaǵy (Japonııa) Azııa oıyndarynda qazirgi bessaıystan erler arasynda semserlesýden aldyn ala kezeń ótti.
Qazaqstan quramasy sapyndaǵy úzdik nátıjeni Temırlan Abdraımov kórsetti. Ol 36 sportshynyń arasynan 27 jeńispen jáne 8 jeńilispen ekinshi orynǵa jaıǵasty. Birinshi orynda 31 ret jeńiske jetken Ońtústik Koreıa ókili So Chan Van tur.
Kırıll Stadnık semserlesýdegi irikteý kezeńin 21 jeńis jáne 14 jeńilispen 10-orynda aıaqtady. Lev Chývashov 20 jeńis, 15 jeńilis kórsetkishimen 14-orynǵa turaqtady. Tıhon Varehın de 20 ret jeńiske jetip, 15 ret jeńildi jáne 15-orynǵa ornalasty.
Aıta keteıik, aldyn ala kezeńniń qorytyndysy sportshylardyń kelesi kezeńderindegi jarysty qaı orynnan bastaıtynyn anyqtaý úshin esepke alynady. Erler arasyndaǵy jartylaı fınal 18 qyrkúıekte ótedi.
Eske salaıyq, munyń aldynda Qazaqstandyq bessaıysshylar Azııa oıyndaryndaǵy jarysty bastaǵanyn habarlaǵanbyz.
