Azıada-2026: Qazaqstan nysana kózdeýden úzdik ondyqqa endi
ASTANA. KAZINFORM — Qazaqstan erler quramasy Aıchı-Nagoıada ótip jatqan Azıada-2026 oıyndarynda 10 metrden pnevmatıkalyq myltyqpen atý saıysynda komandalyq esepte jetinshi oryn aldy. Bul týraly UOK málim etti.
Qazaqsan erler quramasy Aıchı-Nagoıada (Japonııa) ótip jatqan Azııa oıyndarynda 10 metrden pnevmatıkalyq myltyqpen atý saıysyna qatysty.
Bul básekede el namysyn Islam Sátpaev, Nıkıta Shahtorın, Konstantın Malınovskıı qorǵady.
Іrikteý kezeńiniń qorytyndysy boıynsha otandastarymyzdyń nátıjeleri komandalyq esepke de alyndy. Ulttyq qurama 1871.4 upaı enshilep, jetinshi orynǵa ıe boldy.
Qytaı quramasy jarysta top jardy — 1899.0. Úndistan ekinshi orynǵa ıe boldy — 1890.1. Al Ońtústik Koreıa 1884.2 upaımen úzdik úshtikti túıindedi.
Jekeleı esepte sportshylarymyz fınalǵa óte almady. Islam Sátpaev 24-oryn, Nıkıta Shahtorın 26-oryn jáne Konstantın Malınovskıı 29-orynǵa taban tiredi.
HH jazǵy Azııa oıyndarynyń alǵashqy jarys kúniniń nátıjesine saı, Qazaqstan quramasy jalpy esepte tórtinshi orynda kele jatqanyn jazǵan bolatynbyz.
Búgin Ksenııa Ignatova Azııa oıyndarynda úzdik bestikten kórinip, fınalǵa joldama aldy.
