Azıada-2026: Qazaqstan quramasynyń júlde sany 25-ke jetti
NAGOıA. KAZINFORM — Japonııada ótip jatqan jazǵy Azııa oıyndarynyń besinshi jarys kúni óz máresine jetti.
Qazaqstandyq sportshylar búgin 16 sport túrinen jarys jolyna shyǵyp, el qorjynyna bir altyn, tórt kúmis jáne bir qola medal saldy.
Ýshý-sanda sportynan Azııa oıyndary óz máresine jetti. Erler arasynda ýshý-sanda sportynan 75 keli salmaqta Abdýrashıd Abdýllaev ırandyq sportshy Mýsavı Soheılge ese jiberip, kúmis medal enshiledi.
Akademııalyq eskek esý sportynan erler arasynda juptyq synda Vladıslav ıAkovlev jáne Ivan Chernýhın jarys jolyna shyqty.
Qortyndysynda, otandastarymyz 6 mınýt 25.13 sekýnd ýaqytta máre syzyǵyn birinshi bolyp kesti.
Aıta keterligi, Qazaqstan quramasy osy sportta alǵash ret Azıada chempıony atanyp otyr.
Qazaqstan ulttyq quramasynyń ókilderi Olga Shmeleva men Tatıana Tokarnıtskaıa baıdarka men kanoede esý jarysynda áıelder arasyndaǵy 500 metrlik qashyqtyqta kúmis medal jeńip aldy.
500 metr qashyqtyqqa kanoede esýden erler arasyndaǵy A fınalynda Sergeı Emelıanov pen Tımofeı Emelıanov márege úshinshi bolyp kelip, qola júldeni enshiledi.
Qazaqstandyq gımnast Mılad Karımı sporttyq gımnastıkadan erler arasyndaǵy erkin jattyǵýdyń fınalynda sátti óner kórsetip, qorytyndy esepte ekinshi oryn aldy.
Osylaısha, Qazaqstan 32 jyldan keıin Azııa oıyndarynda atalǵan baǵdarlama boıynsha qaıtadan kúmis medal jeńip aldy. Buǵan deıin qazaqstandyq gımnast erler arasyndaǵy erkin jattyǵýda 1994 jyly Hırosımada ótken Azııa oıyndarynda ekinshi oryn alǵan bolatyn. Ol kezde Sergeı Fedorchenko kúmis júldege qol jetkizgen edi.
Kırıll Prohodov erler arasynda semserlesýden sapy saıysynyń aqtyq synynda eki dúrkin Olımpıada chempıony, japonııalyq Kano Kokımen sheberlik baıqasty.
Qorytyndysynda, qazaqstandyq sportshy 13:15 esebimen qarsylasyna ese jiberip, kúmis júldeni qanjyǵalady.
Qazirgi ýaqytta 37 eldiń sportshylary júlde jeńip aldy. Qytaı quramasy 80 altyn, 30 kúmis jáne 20 qola medalmen kósh basynda. Al Japonııa (20 altyn, 34 kúmis, 37 qola) jáne Ońtústik Koreıa (10 altyn, 12 kúmis, 128 qola) aldyńǵy úshtikten kórindi.
Qazaqstan quramasy qazirgi ýaqytta 8 altyn, 8 kúmis jáne 9 qola medalmen jalpy esepte tórtinshi orynda kele jatyr.
Osyǵan deıin habarlaǵanymyzdaı, Tórehan Sabyrhan HH jazǵy Azııa oıyndaryn jarqyn jeńispen bastady.
Sonymen qatar jeńil atlet Deızı Djepkemeı Azııa oıyndarynda júldege bir qadam jetpeı qaldy.
