Azıada-2026: Qazaqstan qorjyny ekinshi jarys kúni taǵy 2 júldemen tolyqty
NAGOıA.KAZINFORM — Japonııanyń Aıchı prefektýrasy men Nagoıa qalasynda ótip jatqan HH jazǵy Azııa oıyndarynyń ekinshi jarys kúni óz máresine jetti.
Qazaqstan sportshylary 15 sport túrinen jarys jolyna shyǵyp, el qorjyny eki júldemen tolyqty.
Ústel tennısinde áıelder quramasy Maldıvti 3:1 esebimen jeńip, S tobynda ekinshi orynǵa jaıǵasty. El namysyn Záýresh Aqasheva, Sarvınoz Mırkadırova, Janerke Kóshkimbaeva, Albına Jaqsylyqova jáne Angelına Romanovskaıa qorǵady.
Voleıbolshy qyzdar 5-8 oryndar úshin ótken kezdesýde Qytaı Taıbeıi komandasyna 2:3 esebimen ese jiberdi. Kelesi kezekte sportshylar 7-8 oryn úshin jarys jolyna shyǵady.
Qazaqsan erler quramasy 10 metrden pnevmatıkalyq myltyqpen atý saıysyna 1871.4 upaı enshilep, jetinshi orynǵa ıe boldy.
Jekeleı esepte sportshylarymyz fınalǵa óte almady. Islam Sátpaev 24-oryn, Nıkıta Shahtorın 26-oryn jáne Konstantın Malınovskıı 29-orynǵa taban tiredi.
Sanjar Ádilov MMA-dan 65 kelige deıingi salmaqta dástúrli stıli boıynsha qola júlde ıelendi. Osylaısha ol Qazaqstan quramasynyń osy sport túrinen Azııa oıyndarynda medal jeńip alǵan alǵashqy sportshylarynyń biri atandy.
Karateden erler arasyndaǵy kýmıte baǵdarlamasynda Oljas Altynbek (-67 kg) júldesiz qaldy. Al áıelder arasyndaǵy 61 keli salmaqta aqtyq synda Ásel Qanaı qytaılyq Gýn Lıǵa 2:8 esebimen jol berip, el qorjynyna alǵashqy kúmis júlde saldy.
Sondaı-aq Erkinǵalı Búrkitalın aralas jekpe-jekten XX jazǵy Azııa oıyndarynyń fınalyna shyqqan tuńǵysh otandasymyz atandy.
Eki jarys kúniniń qortyndysy boıynsha, 29 eldiń sportshylary júlde jeńip aldy. Qytaı quramasy 23 altyn, 10 kúmis jáne 5 qola medalmen kósh basynda. Al Japonııa (8 altyn, 12 kúmis, 12 qola) jáne Ońtústik Koreıa (5 altyn, 3 kúmis, 15 qola) aldyńǵy úshtikten kórindi.
Qazaqstan quramasy 4 altyn, 1 kúmis jáne 3 qola medalmen tórtinshi oryndy saqtap qaldy.
Osyǵan deıin Ásel Qanaı jarystan keıin pikir bildirip, aldaǵy josparlary týraly aıtyp berdi.
