Azıada-2026: Qazaqstan qazirgi bessaıystan qola júlde aldy
ASTANA. KAZINFORM – Qazaqstan erler quramasy Japonııanyń Aıtı men Nagoıa qalalarynda ótip jatqan 2026 jylǵy Azııa oıyndarynda qazirgi bessaıystan qola júldege ıe boldy, dep jazdy UOK.
Erler arasyndaǵy fınaldyq saıysta ulttyq qurama sapyndaǵy eń úzdik nátıjeni Temirlan Abdraımov kórsetti. Ol jarysty 7-orynmen aıaqtady.
Tıhon Varehın 9-orynǵa turaqtasa, Lev Chývashov 13-orynǵa ıe boldy. Al Kırıll Stadnık 18-satyǵa taban tiredi.
Komandalyq esepte Qazaqstan quramasy úzdik úshtikti túıindep, Azııa oıyndarynyń qola júldesin jeńip aldy. Altyn medal Qytaı quramasyna buıyrsa, Ońtústik Koreıa ekinshi oryn aldy.
Osylaısha Qazaqstan quramasynyń qorjynyndaǵy júlde sany tórtke jetti. Buǵan deıin tasjoldaǵy velosporttan Rınata Sultanova men Alekseı Lýtsenko altyn medal jeńip alsa, trıatlonshy Arlan Jańabaı qola júldege ıe bolǵan.
Aıta keteıik, Alekseı Lýtsenko bes dúrkin Azıada chempıony atandy.
