Azıada-2026: Gandboldan Qazaqstan áıelder quramasy alǵashqy oıynda jeńilip qaldy
NAGOıA.KAZINFORM – Gandboldan Qazaqstan áıelder quramasy Japonııada ótip jatqan jazǵy Azııa oıyndarynyń toptyq kezeńinde jarys jolyn bastady.
Birinshi oıynda, qazaqstandyq qyzdar Hanchjoý Azııa oıyndarynyń qola júldegeri Qytaı quramasymen kezdesti.
Alǵashqy taıymda otandastarymyz esep aıyrmashylyǵyn qysqartýǵa tyrysty. Alaıda, qytaılyq sportshylar 25-mınýttaǵy úzilisten keıin 5 upaıǵa aldyǵa shyǵyp ketti, esep 12:17.
Ekinshi taıymda, Qazaqstan quramasy shıraq qyımyldap, nátıjeli shabýyldar jasady.
Alaıda, qytaılyq sportshylar basymdylyqtaryn saqtap, upaı aıyrmashylyǵyn arttyrdy. Qortyndy esep 24:34.
Aıta keterligi, Azııa oıyndaryndaǵy áıelder arasyndaǵy gandbol týrnıri aınalmaly júıe boıynsha ótedi. Qazaqstan quramasy Qytaı, qytaılyq Gonkong, Ózbekstan, Vetnam, Ońtústik Koreıa jáne Japonııa komandalarymen oınaıdy, al qorytyndy oryndar jınalǵan upaılar negizinde anyqtalady.
Eske salaıyq, HX jazǵy Azııa oıyndary 2026 jyldyń 19 qyrkúıek pen 4 qazan aralyǵynda Japonııanyń Aıchı prefektýrasy men Nagoıa qalasynda ótedi, oıyndardyń urany — Imagine One Asia («Birtutas Azııany elestet»).
Baıraqty básekede Qazaqstan ulttyq quramasynyń sapynan 558 sportshy baq synaıdy.
Osyǵan deıin habarlaǵanymyzdaı, 2026 jylǵy Azııa oıyndarynda Qazaqstannyń týy kóterildi.
