Azıada-2026: 30 qyrkúıekte el quramasynan kimder shyǵady
ASTANA. KAZINFORM — 2026 jylǵy Azııa oıyndarynda Qazaqstan quramasynan 30 qyrkúıekte jartylaı fınalda tórt boksshy sharshy alańǵa shyǵady.
Qurlyqtyq básekede el quramasynan ½ fınalda qazaqstandyq bes boksshy synǵa túsýge múmkindik aldy. Olardyń qatarynda Mahmýd Sabyrhan (55 keli), Tórehan Sabyrhan (70 keli), Natalıa Bogdanova (75 keli), Alýa Balqybekova (51 keli), Aıbek Oralbaı (90 keliden joǵary) bar.
Qazirge deıin el quramasynan 90 keliden joǵary salmaqta Aıbek Oralbaı úndistandyq Narenderdi 5:0 esebimen jeńip, fınalǵa joldama aldy. Endi ol 2 qazanda ózbekstandyq Jahongır Zokırovpen qolǵap túıistiredi.
Jarystar kestesi
30 qyrkúıek
51 keli. Alýa Balqybekova — Tı Ta Ngýen (Vetnam)
75 keli. Natalıa Bogdanova — Lovlına Borgohaın (Úndistan)
70 keli. Tórehan Sabyrhan — Shavkatjon Boltoev (Ózbekstan)
55 keli. Mahmud Sabyrhan — Karlo Paalam (Fılıppın).
Qazirge deıin el quramasynan Orazbek Asylqulov (60 keli), Sabyrjan Aqqalyqov (80 keli), Nazym Qyzaıbaı (54 keli), Vıktorııa Grafeeva (60 keli), Aıda Ábikeeva (55 keli), Nurbek Oralbaı (90 keli) jarys jolynan shyǵyp qaldy.
Aıta ketsek, qazirge deıin el quramasynan Qazaqstandyq boksshylar Azııa oıyndarynda sońǵy ret 2014 jyly Inchhonda altyn medal jeńip alǵan. Budan keıin Djakartadaǵy 2018 jylǵy jáne Hanchjoýdaǵy 2023 jylǵy Azııa oıyndarynda qazaqstandyq boksshylar altyn júldesiz qalǵan edi.
