Hokkeı: Shaıbaly hokkeıden áıelder quramasy ekinshi jeńisine qol jetkizdi
ASTANA. KAZINFORM - Hokkeıden Qazaqstan áıelder quramasy Qytaıdyń Harbın qalasynda ótip jatqan IX qysqy Azııa oıyndarynda qatarynan ekinshi ret jeńiske jetti.
Qazaqstan quramasy V tobyndaǵy ekinshi oıynda Taıland quramasymen kezdesti.
Úsh kezeńde qyzdarymyz qarsylas qaqpasyna 9 gol soǵyp, jeńiske jetti.
Qazaqstan quramasynyń shabýylshysy Sofııa Zýbkova oıynda 4 gol soǵyp, 1 nátıjeli pas berdi. Al Mýnıra Saıahatqyzy, Aleksandra Shegaı, Anastasııa Orazbaeva, Nadejda Fılımonova jáne Anna Pıatkova 1 goldan saldy.
Aıta keteıik, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi.
Sportshylar 11 sport túri boıynsha 64 medal jıyntyǵyn sarapqa salady.
Eske salsaq, hokkeıden Qazaqstan áıelder quramasy keshe V tobyndaǵy alǵashqy oıynda Gonkongty 12:0 esebimen oısyrata jeńdi.