Azıada-2025: Kerlıngten qazaqstandyq jup jarys jolynan shyǵyp qaldy
HARBIN. KAZINFORM – Kerlıngten Qazaqstan quramasynyń sportshylary Ámına Seıitjanova men Azızbek Nadırbaev aralas jup synyndaǵy jarysty aıaqtady.
V tobynyń sońǵy matchynda qazaqstandyqtar Fılıppınge qarsy oınady.
Alǵashqy tórt kezeńde, otandastarymyz qarsylastarynan 8:0 esebimen artta qaldy. Úzilisten keıin, otandastarymyz jarys jaǵdaıyn ózgerte alǵan joq. Qortyndy esep – 11:2.
Osylaısha, V tobynda Qytaı quramasy 5 matchtyń barlyǵynda jeńiske jetti. Al Fılıppın quramasy ekinshi orynmen, Koreıa quramasy úshinshi orynmen kelesi kezeńge ótti.
Sondaı-aq A tobynda Japonııa, Gonkong jáne Taıbeı komandasy kelesi kezeńge joldama aldy.
Endi Qazaqstan quramasy 8 aqpannan bastap komandalyq toptyq kezeńde óner kórsetedi.
Qazaqstan quramasynyń sportshylary:
Áıelder: Angelına Ebaýer, Tılsımaı Allııarova, Ekaterına Kolyhalova, Mereı Tastemir, Regına Ebaýer.
Erler: Abylaıhan Júzbaı, Aıdos Allııar, Ádil Jumaǵoja, Ermek Musaınov, Arman Erjanov.
Eske sala keteıik, osyǵan deıin Qazaqstan quramasy aralas jup básekesinde 5:11 esebimen Qytaıǵa, 0:12 esebimen Koreıaǵa jol berip, 7:4 esebimen Qatardy jáne 12:5 esebimen Qyrǵyzstandy jeńgen bolatyn.