Azıada-2025: Kerlıngten Qazaqstan qyzdar quramasy jartylaı fınalǵa joldama aldy

HARBIN. KAZINFORM – Kerlıngten Qazaqstan qyzdar quramasy Qytaıda ótip jatqan ІH qysqy Azıada oıyndarynda kezekti jeńisine qol jetkizdi.

Qyzdarymyz toptyq kezeńniń sońǵy matchynda qytaılyq Gonkong quramasymen sheberlik baıqasty. El quramasy sapynda Angelına Ebaýer, Tılsımaı Allııarova, Ekaterına Kolyhalova jáne Mereı Tastemir jarys jolyna shyqty.

Qazaqstan quramasy úshinshi kezeńde esep ashty. Osydan keıin qyzdarymyz 2:3 esebimen artta qalyp turǵan jaǵdaıda eki kezeńdi qatarynan jeńip, qarsylastan asyp ketti.

Sońǵy kezeńde de el quramasy qarsylastaryna múmkindik bergen joq. Qortyndy esep 6:3.

Aıta keteıik, Qazaqstan qyzdar quramasy toptyq kezeńde 7 match ótkizip, sonyń 5-eýinde jeńiske jetti. 

Osyǵan deıin, qyzdarymyz japonııalyqtarǵa 4:10 esebimen jol berse, Taıbeı quramasyn 14:0 esebimen oısyrata jeńdi. 

Jarys qojaıyny Qytaı quramasymen oıynda Qazaqstan quramasy 4:11 esebimen jeńilis tapty. Alaıda, Fılıppın quramasymen tartysty oıyn ótkizip, sońǵy kezeńde jeńisti julyp aldy.