Azıada-2025: Kerlıngten Qazaqstan qyzdar quramasy tórtinshi jeńisine qol jetkizdi

HARBIN. KAZINFORM — Kerlıngten Qazaqstan qyzdar quramasy ІH qysqy Azııa oıyndarynda tórtinshi ret jeńiske jetti.

Toptyq kezeńde Taıland quramasyna qarsy oıynda, qazaqstandyq qyzdar qarsylastaryna tek bir upaı alýyna múmkindik berdi. Qorytyndy esep, 9:1.

Aıta keteıik, bul Qazaqstan qyzdar quramasynyń toptyq kezeńdegi altynshy matchy jáne tórtinshi jeńisi. Osyǵan deıin, qyzdarymyz japondyqtarǵa 4:10 esebimen jol berse, Taıbeı quramasyn 14:0 esebimen oısyrata jeńdi.

Jarys qojaıyny Qytaı quramasymen oıynda, Qazaqstan quramasy 4:11 esebimen jeńilis tapty. Alaıda, Fılıppın quramasymen tartysty oıyn ótkizip, sońǵy kezeńde jeńisti julyp aldy.

Keshe Qazaqstan qyzdar quramasy Qatardy iri eseppen jeńdi.

Sondaı-aq, otandastarymyz búgin tańerteń Koreıa quramasymen kezdesip, 2:8 esebimen jol berdi.