Azıada-2025: Kerlıngten Qazaqstan erler quramasy Koreıaǵa ese jiberdi
HARBIN.KAZINFORM – Kerlıngten Qazaqstan erler quramasy Qytaıdyń Harbın qalasynda ótip jatqan qysqy Azııa oıyndarynda úshinshi matchyn ótkizdi.
Qazaqstan quramasy sapynda Abylaıhan Júzbaı, Aıdos Allııar, Ádil Jumaǵoja jáne Ermek Musaınov óner kórsetti.
Bastapqy tórt kezeńde bizdiń jigitter Azııa qurlyǵynyń úzdikterine jaqsy qarsylyq korsetip, 2:2 esebimen teń oınady.
Alaıda, koreıalyqtar sońǵy kezeńderde Qazaqstan quramasyna múmkindik bermeı, jeńiske jetti. Qorytyndy esep 12:2.
Aıta keteıik, kerlıngten Qazaqstan erler quramasy qysqy Azııa oıyndarynyń alǵashqy oıynynda Qytaılyq Taıbeıdi 10:5 esebimen jeńdi. Ekinshi matchta otandastarymyz 1:4 esebimen Fılıppınen jeńilip qaldy.
Endi erler quramasy qyrǵyzstandyqtarmen sheberlik baıqasady.
Kerlıngten Qazaqstan quramasynyń kapıtany Abylaıhan Júzbaı jáne sportshy Ermek Musaınov osyǵan deıin Kazinform tilshisine eksklıýzıv suhbat berdi.