Azıada-2025: Kerlıngten Qazaqstan áıelder quramasy ekinshi jeńisine qol jetkizdi

HARBIN. KAZINFORM – Kerlıngten Qazaqstan áıelder quramasy Qytaıdyń Harbın qalasynda ótip jatqan ІH qysqy Azııa oıyndarynda ekinshi jeńisin toılady. 

Qazaqstandyq qyzdar toptyq kezeńniń 8-sessııasynda Fılıppın quramasymen sheberlik baıqasty. Komanda sapynda Tylsymaı Allııarova, Mereı Tastemir, Angelına Ebaýer, Ekaterına Kolyhalova jáne Regına Ebaýer jarys jolyna shyqty.

Alǵashqy kezeńde fılıppındikter bir upaı enshilep ketti. Al ekinshi kezeńde qyzdarymyz jaqsy oıyn kórsetip, 2 upaı aldy.

Úshinshi kezeńde qarsylas esepti teńestirgenimen, otandastarymyz qatarynan eki kezeń jeńip, esepti 4:2-ge jetkizdi. Alaıda, fılıppındik qyzdar qatarynan eki kezeńde upaı alyp, esepti teństirdi.

Sheshýshi kezeńde qyzdarymyz qarsylasqa múmkindik bermeı, jeńisti julyp aldy. Qortyndy esep 5:4.

Aıta keteıik, bul - Qazaqstan qyzdar quramasynyń toptyq kezeńdegi tórtinshi matchy jáne ekinshi jeńisi. Osyǵan deıin qyzdarymyz japondyqtarǵa 4:10 esebimen jol berse, Taıbeı quramasyn 14:0 esebimen oısyrata jeńdi.

Keshe jarys qojaıyny Qytaı quramasymen oıynda Qazaqstan quramasy 4:11 esebimen jeńilip qaldy.