Azıada-2025: Qazaqstandyq sportshylardyń búgingi nátıjesi

HARBIN. KAZINFORM — 12 qańtar, Qytaıdyń Harbın qalasynda ótip jatqan ІH qysqy Azııa oıyndary ashylý saltanatynan keıingi besinshi jarys kúnin aıaqtady. 

Búgin, ıAbýlı taý-shańǵy kýrortynda ótken básekelerdiń qorytyndysy boıynsha el qorjyny eki medalmen tolyqty.

Naqtyraq aıtsaq, shańǵy sportynan áıelder arasynda komandalyq estafetada sportshylarymyz kúmis aldy. Jarys jolyna Kamıla Elǵazınova, Ksenııa Shalygına, Angelına Shýryga men Nadejda Stepashkına shyqty. 

Al jigitter 7.5 shaqyrymdyq estafetada qola júldeni qanjyǵaǵa baılady. Jarys jolyna qazaqstandyq sportshylardan Oljas Klımın, Vladıslav Kovalev, Konstantın Bortsov jáne Naıl Bashmakov shyqty. 

Sonymen qatar, skı-alpınızm dodasy boıynsha julde buıyrmady.

Harbınde ótken muz sporty boıynsha tek mánerlep syrǵanaýdan aralas juptar arasynda júldeler sarapqa salyndy. Ókinishke qaraı qazaqstandyq jup Baısanǵur Datıev jáne Gaýhar Naýryzova besinshi oryn aldy.

Hokkeıden áıelder arasynda A tobynyń alǵashqy oıynynda, qazaqstandyq qyzdar japonııaǵa ese jiberdi, esep 0:4. 

Kerlıngten qyzdar quramasy búgin eki match ótkizdi. Alǵashqy oıynda, qyzdarymyz Ońtústik Koreıaǵa 2:8 esebimen jeńildi. Al Taıland quramasyna qarsy oıynda 9:1 esebimen jeńiske jetti.

Qazaqstan erler quramasy Qyrǵyzstandy 6:3 esebimen qapy qaldyrdy.

Osylaısha, Qazaqstan delegatsııasynyń medaldar sany 15-ke (3 altyn, 7 kúmis jáne 5 qola) jetip, jalpy esepte 4-orynda kele jatyr.