Azıada-2025: Qazaqstandyq short-trekshi qyzdar jartylaı fınalǵa joldama aldy
HARBIN.KAZINFORM – 7 aqpanda Qytaıdyń Harbın qalasynda ótip jatqan IX qysqy Azııa oıyndarynyń short-trekten alǵashqy jarys kúni bastaldy.
Áıelder arasyndaǵy 1500 metrge syrǵanaý jarysynda, Alına Ájiǵalıeva, Olga Tıhonova, Madına Janbýsınova óner kórsetti. Jarys jolyna alǵashqy bolyp shyqqan Alına Ájiǵalıeva 2 mınýt 31.433 sekýnd nátıjemen jartylaı fınalǵa joldama aldy.
Sonymen qatar, Madına Janbýsınova (2 mınýt 35.696 sekýnd) pen Olga Tıhonovada (2 mınýt 35.294 sekýd) kelesi kezeńde óner kórsetedi. Sondaı-aq, Qazaqstandyq short-trekshiler búgin erler men áıelder arasyndaǵy 500 metr, 1000 metr jáne 2000 metr aralas komandalyq estafetada óner kórsetedi.
Eske salaıyq, Aıta keteıik, IX qysqy Azııa oıyndary 2025 jyldyń 7-14 aqpany aralyǵynda Qytaı Halyq Respýblıkasy Heılýntszıan provıntsııasynyń Harbın qalasynda ótedi.
Sportshylar 11 sport túri boıynsha 64 medal jıyntyǵyn sarapqa salady.