Azıada-2025: Qazaqstandyq hokkeıshi qyzdar pleı-offqa joldama aldy
HARBIN.KAZINFORM - Hokkeıden Qazaqstan qyzdar quramasy Qytaıdyń Harbın qalasynda ótip jatqan ІH qysqy Azııa oıyndarynda tórtinshi jeńisine qol jetkizdi.
V tobynyń sońǵy matchynda, qazaqstandyq burymdylar ońtústik Koreıa quramasymen kezdesti.
Taraptar úsh kezeńniń qortyndysynda jeńimpazdy anyqtaı almady. Alaıda, Aleksandra Shegaı qosymsha ýaqytta qarsylas qaqpasynan sańlaý taýyp, jeńis golyn soqty.
Osylaısha, qazaqstandyq hokkeıshy qyzdar V tobyndaǵy barlyq oıynda jeńiske jetip, pleı-offqa joldama aldy. Endi olar A tobynyń úzdikteri Qytaı jáne Japonııamen kezdesedi.
Eske salsaq, hokkeıden Qazaqstan áıelder quramasy toptyq kezeńdegi alǵashqy oıynda Gonkongty 12:0 esebimen oısyrata jeńdi.
Al ekinshi oıynda Taıland quramasyna 9 shaıba soqty.
Sondaı-aq, qytaılyq Taıbeı quramasyn 5:1 esebimen qapy qaldyrǵan edi.