Azıada-2025: Qazaqstan sportshylary ekinshi jarys kúni 4 medal enshiledi

HARBIN.KAZINFORM – Qytaıdyń Harbın qalasynda ótip jatqan IX qysqy Azııa oıyndarynyń ekinshi jarys kúni óz máresine jetti. Qazaqstandyq sportshylar el qorjynyna 4 medal saldy.

9 aqpan, 8 sport túrinen jarystar ótip, 13 medaldar jıyntyǵy sarapqa salyndy. Qazaqstandyq sportshylar short-trek, shaıbaly hokkeı, taý shańǵy sporty, shańǵymen syrǵanaý, kerlıng, konkımen júgirý, frıstaıl jáne skı-alpınızm jarystarynda óner kórsetti.

Qazaqstandyq sportshy Aıana Joldas ıAbýlı taý shańǵy kýrortynda ótken áıelder arasynda frıstaıl akrobatıka synynda 76.54 upaı jınap úshinshi orynnan kórindi.

Short-trekten Qazaqstan qyzdar quramasy 3000 metrge komandalyq estafeta básekeinde máre syzyǵyn ekinshi bolyp kesti. Qazaqstan quramasy sapynda Olga Tıhonova, ıAna Han, Malıka Ermek jáne Alına Ájǵalıeva jarys jolyna shyqty. 

Sondaı-aq, Qazaqstan quramasy erler arasynda 5000 metrden komandalyq estafetadan chempıon atanyp, tarıhı altynǵa qol jetkizdi. Denıs Nıkısha, Gleb Ivchenko, Mersaıd Jaqsybaev jáne Ádil Ǵalıahmetov jarys jolyna shyqty. 

Áıelder arasynda konkımen júgirýden komandalyq iz qýý jarysynda qazaqstandyq qyzdar 1 mınýt 30.12 sekýnd nátıje kórsetip qol júldeger atandy. Jarys jolyna Krıstına Sılaeva, Darıa Vajenına jáne Nadejda Morozova shyqty. 

Qazaqstandyq hokkeıshy qyzdar V tobyndaǵy sońǵy matchynda ońtústik Koreıany qosymsha ýaqytta jeńip, pleı-offqa joldama aldy. Endi olar A tobynyń úzdikteri Qytaı jáne Japonııamen kezdesedi.

Qazirgi ýaqytta, Qazaqstan quramasy 1 altyn, 4 kúmis jáne 2 qola júldemen medaldar kestesinde tórtinshi orynda kele jatyr.

Qytaı quramasy 44 medal (15 altyn, 15 kúmis jáne 14 qola) enshilep, kósh basynda tur.

Al Koreıanyń qorjynynda 11 altyn, 9 kúmis jáne 7 qola medal bar.

Japonııa quramasy 11 medalmen (3 altyn, 2 kúmis jáne 6 qola) úzdik úshtikti túıindedi.

Eske salaıyq, IX qysqy Azııa oıyndary 7 aqpan kúni Qytaıdyń Harbın qalasynda resmı ashyldy.