Azıada-2025: Qazaqstan quramasy kerlıngten ekinshi oıynda jeńilis tapty

ASTANA. KAZINFORM – 2025 jyly Harbınde ótip jatqan qysqy Azııa oıyndarynda qazaqstandyq kerlıngshiler aralas komandalar arasyndaǵy ekinshi oıynda jeńilis tapty.

QR UOK málimetinshe, Qazaqstan atynan Ámına Seıitjanova men Azızbek Nadırbaev óner kórsetip jatyr.

Otandastarymyz toptyq kezeńniń ekinshi oıynynda Ońtústik Koreıa quramasymen kezdesip, matchty 0:12 esebimen aıaqtady.

Endigi Qazaqstan quramasy V tobynda besinshi orynda tur.

Aıta keteıik, Qazaqstan sportshylary 5 aqpan kúni Qytaıdyń Harbın qalasynda ótip jatqan IX qysqy Azııa oıyndarynyń kerlıng jáne shaıbaly hokkeı sportynan synǵa túsedi.