Azıada-2025: Qazaqstan quramasy frıstaıl-akrobatıkadan ekinshi júldesin jeńip aldy

ASTANA. KAZINFORM — Qazaqstan quramasy frıstaıl-akrobatıkadan Qytaıdyń Harbın qalasynda ótip jatqan 2025 jylǵy Azııa oıyndarynda kúmis júldege qol jetkizdi.

Bizdiń sportshylar aralas komandalar arasyndaǵy saıysta ekinshi orynǵa ıe boldy. Bul baǵdarlamada el namysyn Aıana Joldas, Sherzod Hashırbaev jáne Asan Asylhan qorǵady.

Qorytyndy esepte qazaqstandyq sportshylar 235,39 upaı jınap, osy kórsetkish olarǵa kúmis medal alyp keldi. Birinshi oryndy Qytaı ıelense, Japonııa úshinshi orynǵa turaqtady.

Aıta keteıik, frıstaıl-akrobatıkadan alǵashqy júldeni el qorjynyna Aıana Joldas salǵan bolatyn. Ol jekeleı synda úshinshi oryn aldy. 

Eske salsaq, buǵan deıin kerlıngten áıelder quramasy aıqyn basymdyqpen jeńiske jetkenin habarlaǵan edik.