12:00, 10 Aqpan 2025 | GMT +5
Azıada-2025: hokkeıden Qazaqstan erler quramasy pleı-offqa birinshi orynmen shyqty
ASTANA. KAZINFORM - Shaıbaly hokkeıden Qazaqstan erler quramasy 2025 jylǵy Azııa oıyndarynyń toptyq kezeńinde sońǵy matchyn ótkizdi.

Qazaqstan erler quramasy sheshýshi oıynda Ońtústik Koreıamen sheberlik baıqasty. Qarsylastar oıynnyń birinshi kezeńinde esep ashty.
Tartysqa toly matchta otandastarymyz 2:1 esebimen jeńiske jetti. Úshinshi kezeńniń sońǵy mınýttarynda Roman Starchenko jeńis shaıbasyn soqty.
Osylaısha Qazaqstan erler quramasy toptyq kezeńdegi oıyndaryn jeńilissiz ótkizip, pleı-off kezeńine birinshi orynmen shyqty.
Buǵan deıin Qytaıdyń Harbın qalasynda ótip jatqan ІH qysqy Azııa oıyndarynda shańǵyshy Oljas Klımın qola júldege qol jetkizgenin jazǵan edik.