Azıada-2025: Hokkeıden Qazaqstan erler quramasy qytaılyq Taıbeıdi qapy qaldyrdy
HARBIN.KAZINFORM - Hokkeıden Qazaqstan erler quramasy Qytaıdyń Harbın qalasynda ótip jatqan qysqy Azııa oıyndaryndaǵy kezekti jeńisine qol jetkizdi.
Toptyq kezeńniń úshinshi matchynda, A tobynda synǵa túsip jatqan qazaqstandyqtar Qytaılyq Taıbeımen kezdesti.
Alǵashqy eki kezeńde, otandastarymyz qarsylas qaqpamyna 5 shaıbadan soqty.
Al úshinshi kezeńde qazaqstan quramasy taıbeılikterge mumkindik bermeı, 7 shaıba soqty. Qortyndy esep 17:0.
Oıyn barysynda Kırıll Panıýkov jalǵyz ózi 4 shaıba, al Alıhan Ómirbekov pen Rýslan Ospanov 2 shaıbadan soqty. Sondaı-aq, Artem Lıhotnıkov, Andreı Býıalskıı, Evgenıı Rymarev, Kırıll Savıtskıı, Artem Korolev, Samat Danııar, Dmıtrıı Grents, Aleksandr Borısevıch jáne Denıs Chaporov mergendigimen kózge tústi.
Osylaısha, Qazaqstan erler quramasy toptyq kezeńde úsh oıynda qatarynan jeńiske jetip, A tobynda kósh bastap tur.
Eske sala ketsek, Qazaqstan quramasy toptyq kezeńdegi alǵashqy oıynda Taılandty 12:0 esebimen jeńse, ekinshi matchynda jarys qojaıyny Qytaıdy 6:1 esebimen tize búktirdi.