Azıada-2025: Hokkeıden Qazaqstan erler quramasy fınalǵa joldama aldy

HARBIN. KAZINFORM - Hokkeıden Qazaqstan erler quramasy Qytaıda ótip jatqan ІH qysqy Azıada oıyndarynyń fınalyna joldama aldy. 

Jartylaı fınaldyq oıynda el quramasy jarys qojaıyny Qytaıdan 3:1 esebimen basym tústi. 

Ekinshi kezeńde Roman Starchenko qarsylas qorǵanysyn buzyp-jaryp, birinshi bolyp esep ashty. Araǵa úsh mınýt salyp Dmıtrıı Grents ekinshi shaıbany qaqpa torynda týlatty. 

Sońǵy sheshýshi kezeńde Qytaı quramasy esep aıyrmasyn qysqartqan. Alaıda Dmıtrıı Breýs sońǵy mınýtta taǵy bir shaıba soǵyp ketti. Qortyndy esep — 3:1.

Eske sala keteıik, buǵan deıin Qazaqstan ulttyq quramasy totyq kezeńde Qytaıdy 6:0 esebimen jeńgen edi.