Azıada-2025: Bıatlonnan Qazaqstan erler quramasy kúmis medal jeńip aldy
ıABÝLI.KAZINFORM – Qytaıdyń Harbın qalasynda ótip jatqan ІH qysqy Azııa oıyndarynyń erler arasynda bıatlonnan jarystar máresine jetti.
Erler arasynda 7.5 shaqyrymǵa syrǵanaýdan komandalyq estafetada Aleksandr Mýhın, Áset Dúısenov, Kırıll Baýer jáne Vladıslav Kıreev el quramasy sapynda synǵa tústi.
Jarys qortyndysynda jigitter 1 saǵat 25 mınýt 18.7 sekýnd nátıje kórsetip, máre syzyǵyn ekinshi bolyp kesti.
Japonııa quramasy bizden bir mınýt buryn kelip, chempıon boldy. Al Qytaı quramasy qazaqstandyqtardan 14 sekýndqa keshigip, qola medaldi enshiledi.
Aıta keterligi, bul - Qazaqstan delegatsııasynyń Harbın qysqy Azııa oıyndaryndaǵy segizinshi kúmis júldesi.
Osyǵan deıin bıatlonnan qazaqstandyq qyzdar komandalyq estafetada qola medal enshilegen bolatyn.