Azıada-2025: bıatlonnan Qazaqstan atynan kimder óner kórsetedi

ASTANA.KAZINFORM  - Bıatlonnan Qazaqstan quramasynyń bapkerler shtaby 2025 jyly Qytaıdyń Harbın qalasynda ótetin Qysqy Azııa oıyndaryna qatysatyn sportshylardy anyqtady. Bul týraly Ulttyq olımpıadalyq komıtet málim etti.

Qazaqstan bıatlonshylar odaǵynyń málimetinshe, quram sońǵy ishki jáne halyqaralyq jarystardaǵy nátıjeler, sondaı-aq sportshylardyń qazirgi fızıkalyq jaǵdaıy negizinde jasaqtalǵan.

Nátıjesinde Harbınde Qazaqstan atynan Aleksandr Mýhın, Áset Dúısenov, Vladıslav Kıreev, Vadım Kýrales, Kırıll Baýer, Darıa Klımın, Olga Poltoranına, Arına Krıýkova, Polına Egorova jáne Elızaveta Beletskaıa óner kórsetedi.

Aıta keteıik, Italııanyń Týrın qalasynda ótip jatqan Qysqy ýnıversıadada qazaqstandyq bıatlonshy Kırıll Baýer qola júldege qol jetkizdi.