Azıada-2023: Meıirjan Shermahanbet grek-rım kúresinen fınalǵa joldama aldy

Qytaıdyń Hanchjoý qalasynda ótip jatqan Azııa oıyndarynda qazaqstandyq Meıirjan Shermahanbet grek-rım kúresinen fınalǵa shyqty, dep habarlaıdy QazAqparat tilshisi.

Qazaqstandyq balýan 67 kelige deıingi salmaqta ırandyq Saed Sohrabımen beldesti.

Meıirjan 2:9 esebimen jeńilip jatyp, qarsylasynyń qos jaýyrynyn jerge tıgizip, taza jeńip ketti.

M.Shermahanbet fınalda japon balýany Katsýakı Endomen altyn júldeni sarapqa salady.

Sondaı-aq Aıdos Sultanǵalı (60 kg), Azat Sadyqov (77 kg), Maqsat Saılaý (87 kg) qola júlde úshin kilemge shyǵady.

Fınaldyq básekeler Astana ýaqytymen saǵat 15.00-de bastalady.

Eske sala keteıik, budan buryn Qamshybek Qońqabaevtyń Azııa oıyndarynyń fınalyna shyǵyp, olımpıada joldamasyna ıe bolǵanyn jazǵan edik.