Azıada – 2023: Qazaqstandyq dzıýdoshy Olımpıada chempıonyn jeńdi

Qazaqstandyq dzıýdoshy Nurlyhan Sharhan 2023 jyly Hanchjoýda (Qytaı) ótip jatqan Azııa oıyndarynyń jartylaı fınalyna ótti. QazAqparat bul týraly Sports.kz portalyna silteme jasap habarlaıdy.

100 kelige deıingi salmaq dárejesindegi shırek fınaldyq beldesýde Sharhan kútpegen jerden japon sportshysy Aaron Volfty ıppon ádisimen jeńdi.

Aıta keteıik, Aaron Volf – 2020 jyly Tokıoda ótken Olımpıadanyń chempıony jáne kúmis júldegeri. Sonymen qatar 2017 jylǵy álem chempıony, 2021 jylǵy Azııa chempıony jáne 2019 jylǵy álemniń qola júldegeri.

Jartylaı fınaldyq kezdesýde Nurlyhan 2022 jylǵy álem chempıony, ózbekstandyq Mýzaffarbek Týroboevpen beldesedi.