Azıada-2023: Qazaqstan qorjynyna taǵy eki medal tústi
Qytaıdyń Hanjchoý qalasynda ótip jatqan Azııa oıyndarynda qazaqstandyq karateshi Laýra Áliqul men balýan Álimhan Syzdyqov júldeger atandy, dep habarlaıdy QazAqparat tilshisi.
Laýra Áliqul 68 kelige deıingi salmaqta Azııa chempıonatynyń eki dúrkin júldegeri, qytaılyq Lı Tsıaotsıaomen fınaldyq kezdesýin ótkizdi.
Munda qytaılyq 4:0 esebimen jeńiske jetip, chempıon atansa, Laýraǵa kúmis buıyrdy.
Álimhan Syzdyqov grek-rım kúresinen 130 kg salmaqta qola júlde úshin básekede túrkmenstandyq Aıbegshazada Kýrraevty 5:1 esebimen utty.
Taǵy bir balýan Islam Ýmaev 97 kelige deıingi salmaqta ózbekstandyq Rýstam Assaqalovtan taza jeńilip, qola júldege qol jetkize almady.
Sondaı-aq búgin áıelder kúresinen kilemge shyqqan qazaqstandyqtar júldesiz qaldy.
Eske sala keteıik, budan buryn djıý-djıtsýden Nurjan Batyrbekovtiń Azııa oıyndarynyń chempıony atanǵanyn jazǵan edik.
Karateshi Nurqanat Ájiqanov Qazaqstan qorjynyna segizinshi altyn medaldi saldy.
