Azıada-2023: Elena Potapenko qazirgi bessaıystan Olımpıada lıtsenzııasyn jeńip aldy

Qazaqstandyq sportshy Elena Potapenko Hanchjoýda ótip jatqan Azııa oıyndarynda áıelder arasyndaǵy qazirgi bessaıystan jeke jarysta 5-shi oryndy ıelendi, dep habarlaıdy QazAqparat.

Osylaısha ol kelesi jyly ótetin Parıj Olımpıadasynda óner kórsetýge múmkindik aldy.

Sońǵy kezeńge deıin Elena Potapenko jalpy esepte 8-shi orynǵa ıe boldy, biraq myltyq atýda sátti óner kórsetip, alǵashqy bestikten oryn aldy. Qazaqstandyq sportshynyń qorytyndy nátıjesi-1340 ball.

«Men osyǵan deıin aıtqanymdaı, Azıadaǵa qatysýdyń bir maqsaty-Parıj Olımpıadasyna lıtsenzııa alý. Bizdiń sportshylar 8 sport túrinen Olımpıada oıyndaryna joldama alý úshin kúresip jatyr. Elena Potapenkony búgingi nátıjemen quttyqtaımyn jáne oǵan Parıjde sáttilik tileımin», - dedi Týrızm jáne sport mınıstri Ermek Marjyqpaev.