Azıada – 2023: El qorjynyna taǵy bir júlde tústi

Qytaıdyń Hanchjoý qalasynda ótip jatqan HІH Azııa oıyndarynda Qazaqstan quramasynyń qorjynyna kezekti júlde tústi, dep habarlaıdy QazAqparat. 

10 metrden pnevmatıkalyq vıntovkadan oq atýdan aralas komandalyq saıysta Islam Satpaev pen Aleksandra Le qola júldege ıe boldy.

Medal úshin kúreste Qazaqstan quramasynyń sportshylary Iran komandasyn 17:11 esebimen jeńdi.

Esterińizge sala keteıik, keshe Nıkıta Chırıýkın jyldam atylatyn tapanshadan Azıadanyń qola medalin jeńip alǵan bolatyn.

«Islam men Aleksandrany Azııa oıyndary júldesimen quttyqtaımyn. Olar Irannan kelgen qarsylastaryn senimdi túrde jeńip, taǵy da sheberlikterin kórsetti. Otandyq oq atý sporty qarqyndy damyp keledi jáne mundaı jetistikter osynyń jarqyn dáleli», – dedi Týrızm jáne sport mınıstri Ermek Marjyqpaev.

Búgin, 26 qyrkúıek kúni HІH Azııa oıyndarynda kıbersporttan alǵashqy medaldar jınaǵy oınalatynyn jazǵan edik.