Azıada-2023: Búgin qansha júlde sarapqa salynady

Qytaıdyń Hanchjoý qalasynda XIX Azııa oıyndarynyń jarysy jalǵasyp jatyr: búgin sporttyń 11 túri boıynsha 38  medal sarapqa salynady, dep habarlaıdy QazAqparat tilshisi.

Búgin sporttyq gımnastıka, krıket, velosport, semserlesý, sadaq atý, eskek esý, skeıtbordıng, dzıýdo, júzý, taekvondo men ýshý boıynsha fınal oıyndary ótedi.

Qazir Azııa oıyndarynda 20 altyn medal oljalap úlgergen QHR kósh bastap tur. Ekinshi orynda – Ońtústik Koreıa komandasy bolsa, úshinshi satyda Japonııa tur. Qazaqstan ázirge 10-orynda tur.

23 qyrkúıek pen 8 qazan aralyǵynda Hanchjoýda ótetin XIX Azııa oıyndarynda sporttyń 61 túri boıynsha 481 medal jıyntyǵy sarapqa salynady. Qazaqstan quramasy sporttyń 30 túri boıynsha júldege talasady.