Azıada-2018: Júzýden Qazaqstan komandasy estafetalyq jarystan qola medal jeńip aldy

  ASTANA. qazAqparat - Búgin Indonezııada ótip jatqan Jazǵy Azııa oıyndarynda sýǵa júzýden Qazaqstan komandasy estafetalyq synda qola júldeger atandy, dep habarlaıdy QazAqparat tilshisi.

QR Ulttyq olımpıadalyq komıtetiniń baspasóz qyzmeti málim etkendeı, 400 metrge keshendi túrde jarysýdan Qazaqstan namysyn Dmıtrıı Balandın, Ádil Qasqabaı, Ádilbek Mýsın men Aleksandr Varakın qorǵaǵan bolatyn.

Qazaqstandyq komanda 3:35.62 ýaqyt kórsetkishimen úzdik úshtikke endi. Birinshi oryndy Qytaı, ekinshi oryndy Japonııa sportshylary ıelendi.

Qazaqstan júzý sportynan estafetalyq synda sońǵy ret Gýandjoýdaǵy (2010) oıyndarda júldege ilikken bolatyn.