Azıada-2018: Sadaq atýdan Qazaqstan áıelder quramasy shırek fınalda súrindi

ASTANA. qazAqparat - Búgin Indonezııada ótip jatqan Jazǵy Azııa oıyndarynda sadaq atýdan Qazaqstan áıelder quramasy shırek fınalda qytaılyqtarǵa jol berdi, dep habarlaıdy QazAqparat tilshisi.

QR Ulttyq Olımpıadalyq komıtettiń baspasóz qyzmetiniń habarlaýynsha, búgin Azııa oıyndarynda sadaq atýdan komandalyq jarystar ótip jatyr. Qazaqstannyń áıelder komandasy 1/8 fınalda malaızııalyq mergenderdi 6:2 esebimen qapy qaldyryp, shırek fınalǵa shyqqan bolatyn.

Ókinishke qaraı, olar kezekti kezdesýdi qytaılyqtarǵa qarsy ótkizip, qarsylastaryna 2:6 esebimen ese jiberdi.

Aıta keteıik, Azııa oıyndaryna 440 qazaqstandyq sportshy qatysyp jatyr. 18-shi tamyz kúni alaýy tutanǵan «Sary qurlyq» dodasy 2-shi qyrkúıek kúni óz máresine jetedi.