Azıada-2018: Qazaqstandyqtar qaı eldiń boksshylarymen aıqasady

ASTANA. QazAqparat - Indonezııada ótip jatqan Jazǵy Azııa oıyndarynda  búgin boksshylarymyzdyń qaı eldiń bylǵary qolǵap sheberlerimen sharshy alańǵa shyǵatyny belgili boldy, dep habarlaıdy QazAqparat tilshisi.

QR UOK baspasóz qyzmeti málim etkendeı, búgin Jakartada bylǵary qolǵap sheberleriniń básekesi bastalady.

Sharshy alańǵa erlerden alǵash bolyp 52 kelidegi Azat Mahmetov, 69 kelidegi Aslanbek Shymbergenov, al áıelder boksynan 57 kelidegi Sánııa Sultanqyzy shyǵady.

Azat Mahmetov alǵashqy aınalymda Birikken Arab Ámirliginiń ókilimen aıqassa, Aslanbek Shymbergenovtiń qarsylasy - ındonezııalyq boksshy. Al Sánııa Sultanqyzy shrı-lankalyq boksshymen kim myqtyny anyqtaıdy.

Aıta keteıik, boksshylar dodasy Astana ýaqytymen saǵat 13:00-de bastalady.