Azıada-2018: Qazaqstandyq voleıbolshylardyń qarsylasy matchqa kelmeı qaldy

ASTANA. QazAqparat - Búgin Indonezııada 2018 jylǵy Jazǵy Azııa oıyndary aıasynda Qazaqstan men Mońǵolııanyń voleıboldan erler quramalary kezdesýi tıis bolatyn. Biraq 17-18-inshi oryndar úshin oıyn ótpeı qaldy, dep habarlaıdy QazAqparat Sports.kz saıtyna silteme jasap.

Belgisiz sebeptermen mońǵolııalyq komanda kezdesýge kelmedi. Sondyqtan olarǵa 0:3 (0:25, 0:25, 0:25) esebimen tehnıkalyq jeńilis jazyldy. Osylaısha, qazaqstandyq voleıbolshylar týrnırdi 17-inshi orynda aıaqtady.

Aıta keteıik, óziniń sońǵy matchynda QR quramasy qyrǵyzdarǵa 2:3 esebimen jeńilgen bolatyn.