Azıada-2018: Qazaqstandyq basketbolshy qyzdar alǵashqy jeńisine qol jetkizdi

ASTANA. QazAqparat - Djakartada ótip jatqan 2018 jylǵy Jazǵy Azııa oıyndarynda basketboldan (5h5) Qazaqstan qyzdar komandasy Azıadadaǵy alǵashqy jeńisine qol jetkizdi, dep habarlaıdy QazAqparat tilshisi.

QR UOK-niń baspasóz qyzmeti málim etkendeı, búgin bizdiń komanda 79:61 esebimen Úndistan komandasynan basym tústi.

Eske sala keteıik, toptyq kezeńdegi alǵashqy matchta qazaqstandyq basketbolshylar Qytaılyq Taıpeı komandasyna utylyp qalǵan bolatyn.  Qazaqstan komandasy Indonezııa, Ońtústik jáne Soltústik Koreıa jáne Taıpeımen birge «A» tobynda óner kórsetedi.