Azıada-2018: Qazaqstan qorjynyna 32-shi medal tústi

ASTANA. QazAqparat - Indonezııada ótip jatqan Azıada oıyndarynda qazaqstandyq tennısshilerdiń aralas juby - Anna Danılına men Aleksandr Nedovesov «qola» medalge ıe boldy, dep habarlaıdy QazAqparat tilshisi.

Qazaqstandyq tennısshiler jartylaı fınalda Taıland eliniń sheberlerimen kezdesti. Tartysty ótken saıysta qarsylastaryna ese jibergen otandastarymyz «altyn» medalǵa talasý múmkindiginen aıyryldy. Osylaısha, tennısshilerimiz qola medaldi mise tutty.

Eske sala ketsek, búgin velosporttan jekeleı synda qazaqstandyq Alekseı Lýtsenko jeńimpaz atanyp, úshinshi altyndy el qorjynyna salǵan bolatyn. Nátıjesinde Qazaqstan quramasy Azııa oıyndaryndaǵy jalpy esepte Mońǵolııany artqa syrǵytyp, 12-shi orynnan 11-shy orynǵa kóterildi. Dál qazirgi esep boıynsha Qazaqstan enshisinde 3 altyn, 7 kúmis, 22 qola medal bar.