Azıada-2018: Qazaqstan besinshi orynnan 11-shi orynǵa syrǵyp ketti

ASTANA. qazAqparat - Indonezııada ótip jatqan Jazǵy Azııa oıyndarynyń ekinshi kúni Qazaqstan quramasy jalpy esepte besinshi orynnan 11-shi orynǵa syrǵyp ketti, dep habarlaıdy QazAqparat tilshisi.

Azııa oıyndarynyń arnaıy saıtyndaǵy medaldar esebi boıynsha búgin kósh tizginin ustaǵan Qytaı quramasy qarsylastarynan oq boıy ozyp ketken. Olardyń enshisinde 15 altyn, 12 kúmis, 9  qola (36) medal bar. Ekinshi orynda 8 altyn, 11 kúmis, 11 qola  (30) medal enshilegen japondyq sportshylar kele jatsa, úzdik úshtikte 5 altyn, 9 kúmis, 10 qola (24) medal jeńip alǵan ońtústikkoreıalyq sportshylar kele jatyr. Al Qazaqstan sportshylary 1 altyn, 2 kúmis, 3 qola (6) medalmen 11-shi orynda keledi.

Esterińizge sala keteıik, Qazaqstan sportshylary Azıadanyń alǵashqy kúni 1 altyn, 1 kúmis, 2 qola medal jeńip alsa, búgin el qorjynyna jalǵyz kúmis júlde buıyrdy. Ony osyǵan deıin habarlaǵanymyzdaı áıelder kúresinen Juldyz Eshimova jeńip aldy.