Azıada-2018: 30 tamyzdyń qorytyndysy
Elimizge búgingi kúnniń alǵashqy altynyn kanoe men baıdarkada eskek esýshiler syılady. 500 metrge baıdarkamen jarysýda Ilıa Golendov, Sergeı Tokarnıtskıı, Alekseı Dergýnov jáne Evgenıı Alekseev tórttigi altyn júldeger atandy.
Sondaı-aq, búgin Ilıa Golendov pen Andreı Ergýchev jáne Tımofeı men Sergeı Emelıanovtar kúmis júldege qol jetkizdi. I.Golendov pen E. Ergýchev baıdarkada, T. Emelıanov pen S. Emelıanov kanoede synǵa túsken bolatyn.
Batýtta sekirýden Azııa oıyndarynyń qola júldesi qorjynǵa túsip, Pirmammad Alıev fınalda úzdik úshtik qatarynan kórindi.
Dzıýdoshylar kópten kútken altynǵa ıelik etti. 81 kelide synǵa túsken Dıdar Hamza Azııa oıyndarynyń jeńimpazy atandy. Bul Dıdardyń iri halyqaralyq jarystardaǵy alǵashqy júldesi.
Velotrekshi Artem Zaharov omnıým boıynsha úzdik úshtikke endi. Bul Artemniń bıylǵy Azııa oıyndaryndaǵy ekinshi qolasy.
Vaterpoldan Qazaqstan erler komandasy shırek fınalda Indonezııany 20:4 esebimen jeńdi. Erteń bizdiń komanda fınal joldamasyna talasý úshin Qytaı quramasyna qarsy shyǵady.
Azııa oıyndaryndaǵy alǵashqy matchta Taılandty 20:5 esebimen jeńgen regbıshi qyzdar keıin Japonııadan utyldy. Esep - 21:31.
Kýrashtan Qazaqstan komandasynyń Azııa oıyndaryndaǵy alǵashqy júldesin 90 kelide beldesken Ersultan Muzaparov jeńip aldy.
Úsh qarǵyp sekirýden Olımpıada chempıony atanǵan Olga Rypakova jankúıerlerin jerge qaratqan joq. Olga qashan da óz bıiginde. 14.26 metrge sekirgen Rypakova Azııa oıyndarynyń chempıony.
Jeńil atletıkadan Qazaqstan áıelder komandasy estafetada qola júldeger atandy.
30 tamyzdaǵy kórsetkish boıynsha, Qazaqstan quramasynda 60 medal bar. 11 altyn, 11 kúmis jáne 38 qola. Jalpy komandalyq esepte ázirge 11-shi oryndamyz.
