Azıada-2017: Short-trekten Erkebulan Shamýhanov besinshi orynǵa ıe boldy
SAPPORO. QazAqparat - Búgin Sapporo qalasynda ótip jatqan VІІІ qysqy Azııa oıyndarynda short-trekten 1 500 metr qashyqtyqtaǵy synda otandasymyz Erkebulan Shamýhanov fınaldyq kezeńge deıin jetip, besinshi oryndy ıelendi, dep habarlaıdy Sapporodaǵy QazAqparat tilshisi.
1 500 metrde ońtústikkoreıalyq Se En Pak aldyna jan salmady. Odan keıingi ekinshi orynǵa Qytaı sportshysy Datszın Vý ıe boldy. Úzdik úshtikti taǵy bir ońtústikkoreıalyq Chjýn Sý Lı jeńip aldy.
Osy oraıda aıta keteıik, Sapporodaǵy Qysqy Azıada oıyndaryna short-trekten tek jastar quramasy ǵana kelgen bolatyn. Negizgi ulttyq qurama músheleri álem kýbogynyń kezeńderinde óner kórsetýde. Sol úshin úlken synda alǵash baq synaǵan Erkebulan Shamýhanovtyń besinshi oryndy ıelenýiniń ózi úlken erlik.
foto: Danııar Maılybaev
