Azıada-2017: Short-trekshi arýlarymyz jeńisterinen keıingi áserimen bólisti
SAPPORO. QazAqparat - Búgin Japonııanyń Sapporo qalasynda ótip jatqan VІІІ qysqy Azııa qazaqstandyq short-trekshi arýlarymyz komandalyq synda qola medal jeńip alǵan bolatyn. Osy jeńisterinen keıin qurama múshesi Anastasııa Krestova óz oıymen bólisti.
«Jeńis qolǵa ońaı kelgen joq. Qarsylastarymyz eń myqty komandalar boldy. Fınalynda Ońtústik Koreıa, Qytaı jáne Japonııa komandalarymen synǵa túsý ońaı emes. Bular osyǵan deıin álem kýboktarynda, álem chempıonattarynda júldeger atanyp júrgen sportshylar. Biraq, bizge sáttilik joldas bolyp, qola medal jeńip aldyq. Bul biz úshin oılamaǵan, kútpegen úlken nátıje. Biz alǵashynda tórtinshi kele jatqan bolatynbyz. Bir kezde japondyq qyzdar qulap qalyp, olardy basyp ozdyq», - dep atap ótti ol.
Esterińizge sala keteıik, short-trekshi arýlarymyz komandalyq saıysta Japonııa, Ońtústik Koreıa, Qytaı quramalarymen júldege talasyp, úshinshi oryndy ıelengen bolatyn . Bul synda birinshi oryndy Ońtústik Koreıa quramasy, ekinshi oryndy Qytaı sportshylar jeńip aldy.
foto: Іzturǵan Qabdýllaev
