Azıada-2017: Kerlıngten Qazaqstan áıelder quramasy qola medal úshin synǵa túsedi
SAPPORO. QazAqparat - Japonııanyń Sapporo qalasynda ótip jatqan VIII qysqy Azııa oıyndarynda kerlıngten Qazaqstan áıelder quramasy fınalǵa shyǵa almady, dep habarlaıdy Sapporodan QazAqparat tilshisi.
Jarystyń 1/2 fınalynda otandastarymyz Ońtústik Koreıa quramasynan jeńilip qaldy, esep - 3:15.
Endi jerlesterimiz qola medal úshin Japonııamen tartysady. Al fınalda Ońtústik Koreıa Qytaı quramasymen kezdesedi.
Esterińizge sala keteıik, keshe kerlıngten Qazaqstannyń erler quramasy sońǵy oıynyn qytaılyq Taıbeı quramasyna qarsy ótkizip, 13:2 esebimen oısyraı utylǵan bolatyn. Jalpy kerlıngten erlerimiz Azıadada bes oıyn ótkizip, katarlyqtarmen ótken oıynda ǵana qarsylastaryn 12:4 esebimen utyp, qalǵan tórteýinde jeńilis tapty. Eń alǵashqy jarysta Qytaı quramasymen jolyǵyp, 12:1 esebimen jeńilis tapsa, ekinshi oıynda Ońtústik Koreıa eline de 12:1 esebimen oısyraı jeńildi. Al úshinshi oıynda sharshy alań qojaıyndaryna 13:4 esebimen jol berdi.
Endi sporttyń bul túrinen qyzdarymyz qola medal úshin baryn salady degen úmittemiz.
