Azıada-2017: Qazaqstannyń hokkeıshi qyzdary jarysty qola medalmen aıaqtady
SAPPORO. QazAqparat - Búgin Japonııanyń Sapporo qalasynda ótip jatqan VІІІ qysqy Azıada oıyndarynda Qazaqstannyń hokkeıshi qyzdary Azıada oıyndarynyń qola júldeger atandy, dep habarlaıdy Sapporodaǵy QazAqparat tilshisi.
Hokkeıshi qyzdarymyz búgin Taıland quramasymen qola medaldi sarapqa salǵan bolatyn. Asa tartysty ótken básekede jerlesterimiz qarsylastaryn 8:0 esebimen oısyrata jeńip qola júldeni jeńip aldy.
Esterińizge sala keteıik, osyǵan eki kún buryn hokkeıshi arýlarymyz Gonkong quramasymen kezdesip, olardy 19:0 esebimen oısyrata utqan edi. Bul - sportshylarymyzdyń VІІІ qysqy Azıada oıyndaryndaǵy úshinshi jeńisi. Gonkong quramasynyń aldynda Ońtústik Koreıa quramasyn 1:0 esebimen jeńgen bolatyn.
Otandastarymyz tek, Japonııa men Qytaı quramasynan utylyp qaldy. Japondarǵa 6:0 esebimen utylsa, qytaıǵa 8:3 esebimen ese jibergen.
FOTO Danııara Maılybaeva
