Azıada-2017: qazaqstandyq hokkeıshi qyzdar Gonkong qaqpasyna jaýapsyz 19 shaıba saldy
SAPPORO. QazAqparat - Búgin Sapporo qalasynda ótip jatqan VІІІ qysqy Azıada oıyndarynda qazaqstandyq hokkeıshi arýlar qarsylastarynan iri eseppen basym tústi, dep habarlaıdy Sapporodaǵy QazAqparat tilshisi.
Hokkeıshi qyzdarymyz búgin Gonkong quramasymen kezdesip, olardy 19:0 esebimen oısyrata utty. Osylaısha jerlesterimiz júldege bir taban jaqyndaı tústi.
Bul - sportshylarymyzdyń VІІІ qysqy Azıada oıyndaryndaǵy ekinshi jeńisi. Osyǵan deıin, Aleksandr Maltsev shákirtteri Ońtústik Koreıa quramasyn 1:0 esebimen jeńgen bolatyn. Oǵan deıin Japonııamen oıynda 0:6 jáne Qytaıdan 3:8 esebimen jeńilgen bolatyn. Búgingi jeńis Qazaqstan quramasyn qola medalge bir taban jaqyndatty.
Endi arýlarymyz 25 aqpanda Taıland burymdylarymen muz aıdynynda kezdesedi.
