Azıada-2017: Qazaqstan júldeler sanyn 19-ǵa jetkizdi
SAPPORO. QazAqparat - Búgin Sapporo qalasynda ótip jatqan VІІІ qysqy Azıada oıyndarynda qazaq sportshylary júlde sanyn 19-ǵa jetkizdi, dep habarlaıdy Japonııadan QazAqparat tilshisi.
On toǵyz júldeniń beseýi altyn, altaýy kúmis, segizi qola medal. Biraq, jalpy eseptegi orynymyz áli de ózgergen joq.
Búgin eń birinshi bolyp keshe bıatlonnan «altyn» alǵan otandasymyz ıAn Savıtskıı kúmis júldeni jeńip aldy. Odan keıin osy saıysta qyzdarymyz jarys jolyna shyǵyp, bir altyn, bir qola medal jeńip aldy. «Altyndy» keshe ǵana jeńis toıyn toılaǵan arýymyz Alına Vıshnevskaıa qanjyǵasyna baılasa, qolany Darıa Ýsanova enshiledi.
Odan keıin frıstaıldan synǵa túsken sportshylarymyz mereıimizdi asyrdy. Sporttyń bul túrinen qorjynymyzǵa besinshi altyn men kezekti qola medal tústi. Altyndy áıelder arasynan ıÝlııa Galysheva jeńip alsa, qolany erler arasynan Dmıtrıı Reıherd qanjyǵasyna baılady.
Shańǵy sportynan da quralaqan qalǵan joqpyz. Jigitterimiz 4×7,5 shaqyrymdyq estafetalyq saıysta jarys qojaıyndarynan keıingi ekinshi oryndy ıelendi. Ókinishke qaraı, qyzdar arasynda ótken estafetalyq shańǵy jarysynda bizdiń jerlesterimiz jeńis tuǵyryna birtaban jaqyndap, tórtinshi orynǵa jaıǵasty.
Al búgingi kúnniń sońǵy medalin, ıaǵnı segizinshi qola medaldi shańǵyshy Marat Japarov jeńip aldy.
Sondaı-aq, búgingi kúnniń taǵy bir basty jańalyǵy - hokkeıden Qazaqstan quramasy VІІІ qysqy Azıada oıyndarynyń fınalyna shyqty. Otandastarymyz jartylaı fınalda Qytaı quramasyn 8:0 esebimen oısyrata utty.
Al búgin jalpy esepte Japonııa quramasy Ońtústik Koreıadan alystap ketti. Olardyń enshisinde qazirgi tańda 57 júlde (19 altyn, 20 kúmis, 18 qola) bar. Ekinshi oryndaǵy Ońtústik Koreıa quramasynyń enshisinde 41 júlde (14 altyn, 13 kúmis, 14 qola) bar. Al úzdik úshtikten túspeı kele jatqan Qytaı quramasy bizden alystap ketti. Olarda 24 júlde (9 altyn, 8 kúmis jáne 7 qola) bar.
