Azıada-2017: Qazaqstan Ońtústik Koreıa quramasyn oısyrata utty

SAPPORO. QazAqparat - Búgin Hokkeıden Qazaqstan quramasy Japonııanyń Sapporo qalasynda ótip jatqan qysqy Azııa oıyndarynda Ońtústik Koreıa quramasyn oısyrata utty, dep habarlaıdy Sapporodan QazAqparat tilshisi.

Týrnırdiń birinshi matchynda Sergeı Starygın shákirtteri Ońtústik Koreıa quramasymen kezdesip, 4:0 (0:0, 2:0, 2:0) esebimen jeńiske jetti.
 Matchtyń birinshi bóliginde esep ashylmady. Kezdesýdegi esep 34-mınýtta ashyldy. Shaıba avtory - Maksım Volkov. Ol san basymdyǵyn paıdalanyp, qarsylas qaqpasynan sańylaý tapty. Araǵa eki mınýt salyp Nıkıta Mıhaılıs esepti ulǵaıtty. 

Úshinshi kezeńde de Qazaqstan quramasy Ońtústik Koreıa quramasynyń qaqpasyna eki shaıba soqty. 47 mınýtta Nursultan Belgibaev kózge tússe, jeti mınýttan keıin Konstatın Savenkov matchty túıindedi. Endi jerlesterimiz kelesi kezdesýin 24 aqpan kúni Qytaı quramasy qarsy ótkizedi.

Búgin sportshylarymyz Azıadada sporttyń bes túrinen, atap aıtar bolsaq, tramplınnen sekirý, taý shańǵysy, konkımen júgirý sporty, short-trek jáne shaıbaly hokkeıden óner kórsetip jatyr.

Aıta keteıik, bul VIII qysqy Azııa oıyndarynda Qazaqstan qorjynynda jeti júlde bar. Onyń bireýi altyn, ekeýi kúmis, tórteýi qola medal.

 

foto:Danııar Maılybaev, Іzturǵan Aldaýev