Azıada-2017: Qazaqstan qorjyny taǵy bir kúmis medalmen tolyqty

SAPPORO. QazAqparat - Búgin Sapporo qalasynda ótip jatqan VІІІ qysqy Azııa oıyndarynda Qazaqstan quramasynyń ókilderi tórtinshi medaldy jeńip aldy, dep habarlaıdy Sapporodaǵy QazAqparat tilshisi.

Konkı jarysynan 1000 metr qashyqtyqta jerlesimiz Denıs Kýzın máre syzyǵyn ekinshi bolyp kesip, Qazaqstan qorjynyna ekinshi kúmis júldeni saldy. Bul saıysta japon sportshysy Takýro Oda chempıon atandy. Al úshinshi orynǵa kúnshyǵys eliniń taǵy bir sportshysy Shýnsýke Nakamýra taban tiredi.

Denıs Kýzınnniń júldesi búgingi Qazaq sportshylarynyń jeńip alǵan úshinshi júldesi. Osyǵan deıin jarystyń ekinshi kúni shańǵyshy arýymyz Elena Kolomına kúmis enshilese, búgin bir qolany jeńip aldy. Al odan keıin erler arasynda taǵy bir shańǵyshymyz Rınat Mýhın 15 shaqyrymdyq jarysty 41 mınýt 25,3 sekýnd nátıjesimen chempıon atanǵan bolatyn.

Qazir Qazaqstan quramasy 1 altyn, 2 kúmis, 1 qola medalmen tórtinshi orynda kele jatyr.