Azıada-2017: Hokkeıden Qazaqstan quramasy Qytaı komandasyn 8:0 esebimen oısyrata utty

SAPPORO. QazAqparat - Búgin Japonııada ótip jatqan VІІІ qysqy Azııa oıyndarynda hokkeıden Qazaqstan quramasy Qytaı komandasyn 8:0 esebimen oısyrata utty, dep habarlaıdy Sapporodan QazAqparat tilshisi.

Birinshi jáne ekinshi kezeńde jerlesterimiz qarsylastarynyń qaqpasyna úsh-úshten jaýapsyz alty shaıba soqsa, sońǵy sheshýshi kezeńde taǵy eki shaıbany toǵytty.

Eske salaıyq, jerlesterimiz Sapporo qalasynda ótip jatqan Azıada dodasynda osymen ekinshi oıynda jeńiske jetti. Buǵan deıin qazaqstandyq hokkeıshiler ońtústikkoreıalyqtardy 4:0 esebimen utqan bolatyn. Endi jerlesterimiz 26 aqpanda kúnshyǵys eliniń sportshylarymen básekege túsetin bolady.