Azıada-2017: Hokkeıden Qazaqstan áıelder quramasy azýly qarsylastarynyń birin utyp ketti
SAPPORO. QazAqparat - Búgin Sapporo qalasynda ótip jatqan VІІІ qysqy Azııa oıyndarynda hokkeıden Qazaqstan áıelder quramasy azýly qarsylastaryn 1:0 esebimen utyp ketti, dep habarlaıdy Sapporodaǵy QazAqparat tilshisi.
Búgin hokkeıshi arýlarymyz Ońtústik Koreıa quramasymen kezdesti. Nátıjesinde otandastarymyz basty qarsylastaryn 1:0 esebimen qapy qaldyrdy.
Jalǵyz shaıbany úshinshi kezeńde Ajar Hamımýldınova soqty.
Esterińizge sala keteıik, keshe hokkeıshi qyzdarymyz Qytaı quramasymen synǵa túsip, qarsylastaryna 8:3 esebimen ese jibergen bolatyn.
