Azıada-2017: Elızabet Tursynbaeva qysqa baǵdarlamada altynshy oryn aldy
SAPPORO. QazAqparat - Búgin Sapporo qalasynda ótip jatqan VІІІ qysqy Azıada oıyndarynda qazaqstandyq mánerlep syrǵanaýshy Elızabet Tursynbaeva qysqa baǵdarlamada altynshy oryn aldy, dep habarlaıdy Sapporodaǵy QazAqparat tilshisi.
Ol búgingi saıysta 53,16 upaı jınady. Tursynbaevadan ozǵan bes sportshy: avstralııalyq Keılanı Kreın (55,02 upaı), Qytaıdyń eki ókili - Lı Tszytszıýn (58,65) jáne Chjao Tsıkan (58,90), japon sportshysy Rıka Hongo (60,98) jáne Ońtústik Koreıa ókili Choı Da Bın (61,30).
Sondaı-aq osy básekede baq synaǵan taǵy bir arýymyz Aıza Mambekova segizinshi orynda keledi. Ol 49,99 upaı jınady. Endi otandastarymyzdyń erkin baǵdarlamasy 25 aqpanda Astana ýaqyty boıynsha 14:00-de bastalady.
